Baztarrika baserria Gabiri herrian kokatuta dago. Herri gunetik aldenduta, Aztiri eta Gabiri artean eta Eztanda ibaiaren inguruan. Inguru honetan bizitza lasaia eta atsegina da. Gaur egun, zortzi lagunez osatutako sendia bizi gara, eta belaunaldiz-belaunaldi baserrian lana egiten dugu errespetuz eta maitasunez gure bizitzeko era izanik eta ofizioa gizarteari transmitituz.

Beraz, bisitara etorri nahi izanez gero, hemen gaituzue baserrian. Gure eguneroko lanean atsegin handiz egingo genuke etenalditxo txiki bat zuen kezkak argitu eta hizketaldi batzuk egiteko; ongi etorriak izango zarete. Idiazabal Jatorri Deituradun gazta ekoizten dugu.