Eskoriatzako herrian kokatutako familitarteko gaztandegia da eta 400 ardi Latxa muturgorriko artaldea dugu. %100ean etxeko esnearekin ekoizten dugu gure Artzai Gazta.

Gazta munduan profesionalak gara eta ekoizpen-prozesu osoa kontrolatzen dugu. Artaldea maneiatzetik hasita, elikadura, erditzeak, jeztea eta abar, gazta egin eta merkaturatzen dugu, Idiazabal Baserrikoa Jatorrizko Izendapena duen benetako Artzai Gazta ziurtatzen duen etiketarekin.